No seu máxico traxecto, o Camiño de Santiago cara Fisterra e Muxía atravesa o corazón das impresionantes terras de Dumbría. Este percorrido está impregnado de antigas tradicións e lendas como a do Vákner, o monstro que devoraba aos peregrinos. 

​

En cada recuncho atoparás pegadas do pasado, vestixios dun impresionante patrimonio histórico e arqueolóxico, salpicado de mámoas, castros celtas, dolmens, vestixios da romanización e das guerras napoleónicas. Descubrirás unha natureza de bosques fermosos e caudalosos ríos.

​

Esta ruta parte do lugar da Ponte Olveira, lugar de entrada dos peregrinos ao Concello de Dumbría, ata a Ermida das Neves de Buxantes (24,5km). Este itinerario foi empregado polas tropas napoleónicas no 1809 para chegar a Cee e a Corcubión.

​

Características da ruta:

• Lonxitude do trazado: 24.500m (+/-)

• Pendente media: 3%

• Cota de inicio: 267 msnm

• Cota de fin: 260 msnm

• Desnivel: 7m

• Dificultade: media 

• Duración: 3h (ida)

​

#DumbríaéTurismo

#DumbríaéCamiño

#BoCamiño

#TerritorioVákner